Linda Guðlaugsdóttir gekk í Vatnslitafélag Íslands 2021. Hún útskrifaðist í Grafískri hönnun frá Myndlista og handíðaskóla Íslands 1990. Hún starfaði við fagið í rúm tuttugu ár við tímaritahönnun.

​

Myndlistaráhugi vaknaði snemma og vatnslit valdi hún sem aukafag í menntaskóla og fékk kennslu hjá Pétri Behrens í tvo vetur. Stórskemmtilegir tímar og allt lagt á sig að komast í tíma á laugardagsmorgnum. Seinna hefur hún tekið námskeið hjá Gunnlaugi Gíslasyni í vatnslit og Margréti Jónsdóttur í olíumálun.

​

Fyrir nokkrum árum skapaðist smá svigrúm að fara út og skissa. Það var ekki alveg nóg svo gönguáhugi vaknaði og að hafa skissubókina með. Nú eru þessi tvö áhugamál að berjast um athygli svo stundum er bara örlítið vatnslitadót í gönguferðinni og stundum ekki hægt að ganga langt því farangurinn er svo mikill.

​

Linda hefur haldið eina einkasýningu á landslags tússteikningum 2017 og tekið þátt í tveimur samsýningum Vatnslitafélagsins.