12. október 2019

​

Fyrsta samsýning Vatnslitafélags Íslands var opnuð í Gallerí Göngum við Háteigskirkju. Fjölmenni var við opnunina og rúmlega 1000 manns sóttu sýninguna á meðan á henni stóð. Á sýningunni voru 50 myndir eftir 33 listamenn. Sýningarnefnd skipaði þriggja manna dómnefnd fagmanna utan félagsins en með reynslu af vatnslitamálun og kennslu í faginu. Dómnefnd skipuðu Hlíf Ásgrímsdóttir, Linda Ólafsdóttir og Sigtryggur Bjarni Baldvinsson. Hver félagsmaður mátti senda inn allt að þrjár myndir og bárust 177 myndir frá 63 myndlistarmönnum til dómnefndar.